შინაგან საქმეთა სამინისტროს ინფორმაციით, ქუთაისში დისთვის თავისუფლების უკანონო აღკვეთის ბრალდებით 42 წლის კაცი დააკავეს. უწყების განცხადებით, ბრალდებული 4 დღის განმავლობაში არ აძლევდა 40 წლის დას საკუთარი ბინიდან გამოსვლის უფლებას.

შსს-ში ამბობენ, რომ ბრალდებული დანაშაულის ადგილზე, მისსავე საცხოვრებელ სახლში დააკავეს. საქმეზე გამოძიება სისხლის სამართლის კოდექსის 11 პრიმა 143-ე მუხლის 1-ლი ნაწილით მიმდინარეობს. ამ მუხლით გათვალისწინებული დანაშაული 2-დან 4 წლამდე ვადით თავისუფლების აღკვეთას ითვალისწინებს.