საქართველოს ყოფილი პრეზიდენტი მხარს უჭერს მისი მეუღლის გადაწყვეტილებას, მეორე საარჩევნო ტურში მონაწილეობასა და საპარლამენტო მანდატზე უარის თქმასთან დაკავშირებით.

"სანდრამაც, მინდა ვთქვა, რომ გამოიჩინა წარმოუდგენლად მებრძოლი თვისებები. ყოველთვის მაღალი აზრის ვიყავი მე მასზე, მაგრამ ნამდვილად გამოჩნდა, როგორც მაგარი ლიდერი. მისი შემთხვევა განსაკუთრებული იყო, იმიტომ, რომ ივანიშვილისთვის მასთან ბრძოლა იყო და არის თვითმიზანი. სრულიად ვუჭერ მხარს იმ გადაწყვეტილებაში, რომელიც მან მიიღო. ის არ გაჩერდება, არ ჩამოუშვებს ხელებს, გააგრძელებს ბრძოლას და ეს ბრძოლაც იქნება ჩვენი საერთო გამარჯვების, მომავალი გამარჯვების ნაწილი."

მიხეილ სააკაშვილმა, 10 ოქტომბერს განაცხადა, რომ მეორე ტურში კანდიდატების მონაწილეობის აზრს ვერ ხედავდა.

23 ოქტომბერს სანდრა რულოვსმა მეორე ტურში მონაწილეობაზე უარი თქვა და განაცხადა:

"ყველამ იცის, რომ მე პირველ ტურში გავედი, ამიტომ შეურაცხყოფად ვთვლი მეორე ტურში შემოსვლას ამ უსამართლო ე.წ. დემოკრატიული არჩევნების ფონზე."

რულოვსი პარლამენტში პარტიული სიით მოხვდა, თუმცა 7 ნოემბერს, დეპუტატის მანდატზეც უარი თქვა.