ტეილორ სვიფტი თავის ფანებს სიყვარულს და მზრუნველობას არასდროს აკლებდა — იქნებოდა ეს საჩუქრები, ახალი ალბომის გამოსვლამდე სახლში მიწვევები, კონცერტების შემდეგ კულისებში შეხვედრები, საუბარი Tumblr-ის ბლოგიდან და ა.შ. სია უსასრულოა, ამიტომ სვიფტის ფანებს სულ არ გაჰკვირვებიათ, რომ სუპერვარსკვლავმა მათ მიმართ თანადგომა პანდემიის პირობებშიც გამოხატა.

ფოტო: Don Arnold / Getty Images

კორონავირუსის წინააღმდეგ ბრძოლისთვის, სვიფტმა საქველმოქმედო კამპანია წამოიწყო და ამერიკულ ორგანიზაციაში თანხა გადარიცხა, მოგვიანებით კი სხვებსაც მოუწოდა ამ პრობლემაზე გაემახვილებინათ ყურადღება. ერთ-ერთმა ფანმა, სამანტა ჯეიკობსონმა დაწერა, რომ ისიც სიამოვნებით გადარიცხავდა ფულს სხვების დასახმარებლად, მაგრამ პანდემიის გამო სამსახური დაკარგა და გადასახადების დაფარვა თავადუჭირდა.

ტეილორმა, რომელიც თავისი ფანების "სტალკვით" გამოირჩევა, სამანტას სიურპრიზი გაუკეთა და მესიჯი მისწერა:

"სამანტა, შენი ტვიტი ვნახე, გადასახადების შესახებ და მინდა დაგეხმარო. რა გზით შეიძლება გაჩუქო $3000? იყენებ PayPal-ს? სიყვარულით, ტეილორი".

ალბათ წარმოგიდგენიათ სამანტას რეაქციები: "გაგიჟებას ვარ!"

სამანტა ერთადერთი არაა, ვინც პანდემიის პირობებში ტეილორის გულუხვობა დაიმსახურა. ერთ-ერთი ფანი, ჰოლი ტერნერი ასევე წერდა, რომ კორონავირუსისგან გამოწვეულმა სიტუაციამ ფინანსური პრობლემები შეუქმნა და ნიუ-იორკიდან წასვლა უწევდა, თუმცა სვიფტმა ფინანსური დახმარება მასაც აღმოუჩინა.

"შენ ყოველთვის გვერდში მედექი, ახლა მინდა, რომ მე დაგიდგე გვერდში. იმედი მაქვს, ეს დაგეხმარება. სიყვარულით, ტეილორი".

ასეთ სიტუაციებში მზრუნველობა და თანაგრძნობა განსაკუთრებით მნიშვნელოვანია და კიდევ ერთხელ გვახსენებს, რომ ვარსკვლავებიც ჩვეულებრივი ადამიანები არიან.

ამავე თემაზე: