თბილისის მერიის ფეისბუქგვერდზე ქართველი მუსიკოსები და მომღერლები ონლაინკონცერტებს გამართავენ. მერია ამ გზით მოქალაქეებს სახლში დარჩენისკენ მოუწოდებს.

დედაქალაქის მერის, კახა კალაძის თქმით, აღნიშნული გადაწყვეტილება მოქალაქეებისთვის გამხენევებასა და მდგომარეობის შემსუბუქებას ემსახურება.

"ჩვენ მივიღეთ გადაწყვეტილება, რომ ამ რთულ ვითარებაში ადამიანებს, ცოტათი მაინც შევუმსუბუქოთ არსებული მდგომარეობა და გავახალისოთ, გაგამხნევოთ ქართული სიმღერებით. მოწოდება — დარჩი სახლში, რა თქმა უნდა, ძალაშია. დარჩით სახლში, ჩვენ ვიწყებთ ძალიან მაგარ პროექტს #უსმინეთბილისს. თქვენ სახლიდან გაუსვლელად გექნებათ შესაძლებლობა, მოუსმინოთ ცნობილ ქართველ მომღერლებს, რომლებიც მუსიკალურ ნომრებს თქვენთვის შეასრულებენ", — განაცხადა კახა კალაძემ.