უცხოპლანეტელების ოჯახი თავისი ხომალდით დედამიწას ენარცხება და აღმოაჩენს, რომ ეს პლანეტა ყველაზე არარაციონალური, თვითკმაყოფილი და ეგოისტი არსებებით არის დასახლებული - ასეთია რიკი და მორტის შემქმნელი ჯასტინ როილანდის ახალი სერიალის, Solar Opposites-ის სიუჟეტი.

სერიალი ვიზუალურად Rick and Morty-ს ჰგავს და, როგორც ტრეილერიდან ჩანს, წინამორბედთან საერთო თემებიც აქვს. როილანდი ორ პერსონაჟს ახმოვანებს.

სერიალის პრემიერა Hulu-ზე 8 მაისს შედგება. რაც შეეხება Rick and Morty-ს, ჯერ კიდევ არ ვიცით, როდისთვის უნდა ველოდოთ მეოთხე სეზონის ბოლო ხუთ ეპიზოდს.