ქრონიკული დაავადების მქონე ადამიანებსა და პენსიონერებს წამლებს ფოსტა მიაწვდის. ამის შესახებ ჯანდაცვის მინისტრმა, ეკატერინე ტიკარაძემ განაცხადა.

მისი თქმით, მთავრობა ამ ადამიანებისთვის საკვები პროდუქტების მიწოდების სქემაზეც მუშაობს.

"ჩვენ გვაქვს სრული ნუსხა იმ ადამიანების, ვისაც ქრონიკული დაავადების გამო კონკრეტული მედიკამენტების მიწოდება ესაჭიროება. მოლაპარაკებები უკვე დასრულებულია და დღეიდან საქართველოს ფოსტა დაიწყებს ამ ადამიანებთან კონტაქტზე გასვლას. ეს ჯაჭვი იქნება სრულყოფილად აწყობილი და ისინი საქართველოს ფოსტის საშუალებით მიიღებენ პირველ რიგში მედიკამენტებს. ჩვენ, ასევე, ვამუშავებთ მათთვის და ჩვენი პენსიონერებისთვის საკვები პროდუქტების მიწოდებას. ამ კვირაში ეს სქემა იქნება სრულად და დახვეწილად ამუშავებული",— განაცხადა ტიკარაძემ.