ჰოლივუდის ცნობილმა მსახიობმა, გალ გადოტმა თავის მეგობართან ერთად თვითიზოლაციისას სპეციალური ვიდეო ჩაწერა, სადაც ყველას გასამხნევებლად ჯონ ლენონის ცნობილ ჰიტს Imagine-ს მღერიან და ინსტაგრამის პირად გვერდზე გამოაქვეყნა.

ვიდეოში ქალი-საოცრების როლის შემსრულებელთან ერთად ვხედავთ ისეთ ცნობილ სახეებს, როგორებიც არიან ნატალი პორტმანი, ემი ადამსი, Sia, მარკ რუფალო, ჯიმი ფელონი და სხვა.

როგორც მსახიობი ვიდეოში ამბობს, ის უკვე ექვსი დღეა თვითიზოლაციაშია:

"ამ ვირუსმა მთელი მსოფლიო დააზარალა. არ აქვს მნიშვნელობა, ვინ ხართ ან საიდან, ეს ყველას გვეხება".

კომიქსის მიხედვით გადაღებული ცნობილი ფილმის, Wonder Woman-ის მსახიობი ვიდეოში ამბობს, რომ ამ გადაწყვეტილების ინსპირაცია მისთვის იტალიაში აივნებზე მომღერალი ადამიანების ვიდეოები გახდა.

"სახლში დარჩენა ახლა ისეთივე სუპერძალაა ჩემთვის, როგორც თქვენთვის".

გალ გადოტი ერთადერთი ცნობილი ადამიანი არ არის, ვინც ყველა სმეტი უსაფრთხოებისკენ მოუწოდებს: ისეთი ცნობილი პოპვარსკვლავები, როგორებიც არიან ბილი აილიში, ტეილორ სვიფტი თუ არიანა გრანდე, ასევე აფრთხილებენ თავიანთ ფანებს, რომ მეტი პასუხისმგებლობით მოეკიდონ არსებულ მდგმარეობას და სახლში დარჩნენ.