კორონავირუსის საფრთხის გამო ევროვიზია 2020 გაუქმდა. რიგით 65-ე მუსიკალური კონკურსი წელს 12, 14 და 16 მაისს ნიდერლანდების ქალაქ როტერდამში უნდა გამართულიყო.

განცხადება ევროვიზიამ რამდენიმე წუთის წინ გაავრცელა:

"სამწუხაროდ უნდა გაცნობოთ, რომ როტერდამში დაგეგმილი ევროვიზია 2020 გავაუქმეთ. ბოლო რამდენიმე კვირის განმავლობაში განვიხილეთ რამდენიმე შესაძლო ვარიანტი, რომ კონკურსი ჩატარებულიყო.

თუმცა ჰოლანდიის მთავრობის მიერ გაცემული შეზღუდვებისა და იმ გაურკვევლობის გამო, რომელიც COVID-19 ვირუსის გავრცელებამ წარმოქმნა, მივიღეთ ურთულესი გადაწყვეტილება კონკურსის გაუქმების შესახებ".

ევროვიზიაზე საქართველო თორნიკე ყიფიანს უნდა წარედგინა, რომელმაც კონკურსისთვის სიმღერა Take Me As I Am დაწერა.