აშშ-ში, ნევადის შტატში კორონავირუსის გამო დაწესებულებების დიდი ნაწილი იხურება. შეზღუდვები შეეხება ლას-ვეგასის კაზინოებსაც, რომელიც ერთი თვით დაიკეტება.

ლას-ვეგასის კაზინოები სტუმრებისთვის 24 საათის განმავლობაში ღიაა. ბოლოს ქალაქის კაზინოების კარები მასშტაბურად 1963 წელს, ჯონ კენედის გასვენების დროს დაიკეტა.

17 მარტის პრესკონფერენციაზე შტატის გუბერნატორმა, სტივ სისოლაკმა მოსახლეობას სთხოვა, რომ გაურკვეველი დროით სახლში დარჩნენ. გუბერნატორის თქმითვე, მუშაობას გააგრძელებენ მიტანის სერვისები, ბენზინგასამართი სადგურები, აუცილებელი და სოციალური მომსახურების მიმწოდებლები. რესტორნებს კი მხოლოდ შეკვეთების მიღება და საკვების მიწოდება შეეძლებათ. შტატში კაზინოების გარდა იკეტება პაბები და ღვინის მარნები, რომლებიც მიტანის სერვისზე არ მუშაობენ.

"ახლა არაა დრო ღამის თევისთვის, კონცერტებისთვის, თეატრალური დადგმებისთვის ან სპორტული ღონისძიებებისთვის", — განაცხადა სისოლაკმა.

აშშ-ში COVID-19-ის 6 524 შემთხვევაა დაფიქსირებული. გარდაცვლილთან რიცხვი კი 116-მე გაიზარდა. პრეზიდენტ დონალდ ტრამპის განკარგულებით, ქვეყანაში საგანგებო მდგომარეობა გამოცხადდა. მანამდე კი აშშ-მა ევროპის ქვეყნებთან საზღვრები ჩაკეტა.

ამავე თემაზე: