ქართული ოცნების წევრის, თამარ ჩუგოშვილის განცხადებით, აშშ-ის საპრეზიდენტო არჩევნებში, რომელმა კანდიდატმაც არ უნდა გაიმარჯვოს, ნებისმიერ შემთხვევაში საქართველო კიდევ უფრო გააღრმავებს ურთიერთობებს ამერიკის შეერთებულ შტატებთან:

"ძალიან მნიშვნელოვანი არჩევნები ტარდება ამერიკის შეერთებულ შტატებში, საკმაოდ არაორდინალური ვიტყოდი, განსხვავებული ყველა წინა საპრეზიდენტო არჩევნებისგან. ნებისმიერ შემთხვევაში ამერიკის შეერთებული შტატები არის საქართველოს მთავარი სტრატეგიული პარტნიორი და დარჩება ასეთად.

ორივე ადმინისტრაციის შემთხვევაში მგონია, რომ საქართველო მთლიანად შეერთებული შტატებისთვის, ვინც არ უნდა იყოს პრეზიდენტი, დარჩება ძალიან მნიშვნელოვან ქვეყანად ჩვენს რეგიონში და დარწმუნებული ვარ, რომ პირიქით, უფრო გაღრმავდება ჩვენი თანამშრომლობა ყველა მიმართულებით".

ამერიკის შეერთებულ შტატებში საპრეზიდენტო არჩევნები დღეს, 8 ნოემბერს, იმართება. გაიგეთ როგორ ირჩევენ პრეზიდენტს ამერიკაში: საარჩევნო სისტემის დეტალები.

როგორ ირჩევენ პრეზიდენტს ამერიკაში: საარჩევნო სისტემის დეტალები