კორონავირუსის გამო ინდოეთში ყველაზე ცნობილ მონუმენტი, თაჯ-მაჰალი დაკეტეს. კულტურის მინისტრის განცხადებით, "სიყვარულის მონუმენტის" დაკეტვა აუცილებელი იყო.

თაჯ-მაჰალი ინდოეთში ყველაზე ნახვადი ტურისტული ადგილია, რომელსაც დღეში დაახლოებით 70 ათასი ადამიანი სტუმრობს. ვირუსის გავრცელების პრევენციისთვის ქვეყნის მასშტაბით რამდენიმე მუზეუმი, მონუმენტი და შენობა უკვე დახურეს. როგორც კულტურის მინისტრი, პრაჰლად პატელი ამბობს, შეზღუდვა 31 მარტამდე იმოქმედებს.

ამ დროისთვის ინდოეთში კორონავირუსის 129 შემთხვევაა დაფიქსირებული. ახალი ვირუსის შედეგად კი 3 ადამიანი გარდაიცვალა.

ქვეყანაში კორონავირუსზე ტესტი მხოლოდ 6 ათას ადამიანს ჩაუტარდა. ექსპერტებს მიაჩნიათ, რომ გავრცელების შესაკავებლად ეს არასაკმარისია და ინდოეთს დღეში რამდენიმე ათასი ტესტის ჩატარება სჭირდება.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: