ნიდერლანდების მთავრობა ყველაფერს აკეთებს კორონავირუსის გავრცელების შესაჩერებლად. სწორედ მისი გადაწყვეტილებით დაიხურა წითელი ფარნების ხეივანში მდებარე კლუბები, რის შემდეგაც ქოფიშოფებთან მოქალაქეების რიგი დადგა.

როგორც ჩანს, მარიხუანის მომხმარებლებს კორონავირუსის არ შეეშინდათ და მთავრობის რეკომენდაციებს ყური არ ათხოვეს.

ფოტო: ASSOCIATED PRESS

შეზღუდვა შეეხო იმ სტრიპტიზ კლუბებსაც, სადაც მომხმარებლებს ჰაშიშსა და მარიხუანას სთავაზობდნენ. მოთხოვნის მიხედვით, მათ მუშაობა კვირას, საღამოს 6 საათისთვის უნდა დაესრულებინათ.

ფოტო: ASSOCIATED PRESS

გავრცელებული ვირუსის გამო რესტორებმა, ბარებმა და სკოლებმა მუშაობა 6 აპრილამდე შეწყვიტა.

წითელი ფარნების ხეივანში უამრავი ბორდელი, ეროტიკული მუზეუმი, სექსშოფი და სტრიპტიზ კლუბი ფუნქციონირებს. უბანი ყოველწლიურად მილიონობით ადამიანს მასპინძლობს. ერთ-ერთი კლუბის მფლობელი ამბობს, რომ გასართობი სივრცე იქამდე დახურეს, სანამ შეზღუდვა ამოქმედდებოდა:

"უბრალოდ უპასუხისმგებლობა იქნება ახლა მუშაობა".

ფოტო: ASSOCIATED PRESS

ჰოლანდიის ჯანდაცვის ეროვნული ინსტიტუტის განცხადებით, ჰოლანდიაში კორონავირუსით დაავადებულთა რიცხვი 176-დან 1 135-მდე გაიზარდა. გარდაიცვალა 20 დაინფიცირებული.

ჰოლანდიაში ყვავილების ინდუსტრიის წარმომადგენლებმა ასევე განაცხადეს, რომ წლის ყველაზე დატვირთულ სეზონზე შეკვეთებს აუქმებენ და დიდ ზარალს ელიან.