დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოს საგარეო საქმეთა მინისტრის განმარტებით, მიუხედავად იმისა, რომ 18 მარტიდან უცხო ქვეყნის მოქალაქეებისთვის ქვეყანაში შემოსვლა იკრძალება, იქნება გარკვეული გამონაკლისები.

დავით ზალკალიანის თქმით, საქართველოში შემოსვლას შეძლებენ:

  • საქართველოში აკრედიტებულ დიპლომატიური მისიების, საერთაშორისო ორგანიზაციების წარმომადგენლები და მათი ოჯახები;
  • შერეული ოჯახები - როცა ოჯახის ერთი წევრი მაინც საქართველოს მოქალაქეა;
  • ჰუმანიტარული მისიის წევრები, თუ დღის წესრიგში დადგა ასეთი მისიის მოვლენის აუცილებლობა - ესენი შეიძლება იყვნენ ექიმები, მოხალისეები;
  • სტატუს ნეიტრალური დოკუმენტის მქონე პირები;
  • საქართველოში ლტოლვილის სტატუსის მქონე პირები;
  • ოფიციალური დელეგაციების - მათი საკითხები გადაწყდება ყოველი შემთხვევისთვის ინდივიდუალურად;

დავით ზალკალიანის თქმით, შეზღუდვები არ ეხება საქართველოს მოქალაქეებს და ისინი ქვეყანაში შემოსვლას შეძლებენ.

დღეს, 16 მარტს მთავრობის სხდომის შემდეგ საკოორდინაციო საბჭოს მიერ დაწესებული ახალი შეზღუდვები და რეკომენდაციები გავრცელდა. ჯანდაცვის მინისტრის განცხადებით, ჯერ ქვეყანაში საგანგებო მდგომარეობის გამოცხადების აუცილებლობა არ არსებობს და არ იქნება იქამდე, სანამ ეს გადაწყვეტილებები აღსრულდება, რისთვისაც მოქალაქეების მხრიდან პასუხისმგებლობაა საჭირო.

ახალი შეზღუდვები და რეკომენდაციები:

პანდემია და რეკომენდაციები

16 მარტის მონაცემებით, საქართველოში კორონავირუსით ინფიცირების 33 შემთხვევაა დაფიქსირებული. აქედან ერთი, პირველი პაციენტი, რომელიც ირანიდან შემოვიდა გამოჯანმრთელდა. კარანტინში რჩება 637 ადამიანი, სტაციონარში — 54.

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა და უწყებათაშორისი საკოორდინაციო საბჭო მუშაობის საგანგებო რეჟიმზე გადავიდა და შეზღუდვები და რეკომენდაციები გაავრცელა. ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის. ყველა სახელმწიფო და კერძო დაწესებულებას დისტანციურ რეჟიმში მუშაობის რეკომენდაცია აქვს მიცემული ისევე, როგორც კაფე-ბარებსა და რესტორნებს. ასევე, 70 წელს ზევით მოქალაქეებს თვითიზოლაციაში დარჩენა ურჩიეს.

მთავრობის გადაწყვეტილებით, შსს აკონტროლებს უცხოეთიდან ჩამოსულ, იზოლაციაში მყოფ ყველა პირს და დარღვევის შემთხვევაში ისინი იძულებით კარანტინში გადაყავს. ასევე, შეიქმნება სპეციალური მექანიზმი, რომელიც საკოორდინაციო საბჭოს გადაწყვეტილებების აღსრულებას შეამოწმებს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: