კორონავირუსის გამო საფრანგეთში ყველა რესტორანი, კლუბი, კაფე და კინოთეატრი დაიხურება. ამის შესახებ ინფორმაციას CNN საფრანგეთის პრემიერ მინისტრზე დაყრდნობით ავრცელებს.

საფრანგეთის პრემიერმა შაბათს განაცხადა, რომ საფრანგეთი გაზრდის სოციალურ დისტანციას კორონავირუსის გავრცელებასთან ბრძოლაში. ედუარდ ფილიპეს თქმით, შაბათს ღამიდან დაიწყება იმ ადგილების დახურვა, რომლებიც საფრანგეთის ცხოვრებისთვის აუცილებელი არ არის.

"ბაზრები და კვების ობიექტები, აფთიაქები, ბენზინგასამართი სადგურები, ბანკები, გაზეთებისა და თამბაქოს მაღაზიები დარჩება ღია. ასევე ღია იქნება "თაყვანისცემის ადგილები, მაგრამ რელიგიური ცერემონიები და შეკრებები გადაიდება. ჩვენ ვართ ხალხი, რომელსაც მოსწონს შეკრება, მხიარული ხალხი, ხალხი, რომელსაც ერთად ცხოვრება სურს, შეიძლება უფრო მეტადაც კი, როცა შიში იწყებს გავრცელებას", — თქვა პრემიერმა.

ბოლო დღეებში საფრანგეთში კორონავირუსის შემთხვევებმა მკვეთრად იმატა: 3 661-დან 4 499-მდე, ვირუსით 91 ადამიანი გარდაიცვალა.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: