დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ინფექციური საავადმყოფოს დირექტორის, თენგიზ ცერცვაძის განმარტებით, პირველი ინფიცირებული პაციენტის ტესტზე უარყოფითი პასუხი ნიშნავს, რომ ის გამოჯანმრთელების კანდიდატია. მისი თქმით, წესით გამოჯანმრთელებულად მხოლოდ ის პაციენტი მიიჩნევა, რომლის მეორე ტესტის პასუხიც უარყოფითი იქნება. მისივე თქმით, განმეორებითი ტესტის დღეს გაკეთდება.

"ყველა დაწერილი და დაუწერელი წესით, დღესაც უნდა იყოს უარყოფითი პასუხი. დღეს ჩვენ მიკრო სიხარული, მცირე ზეიმი გვექნება", — განაცხადა მან ტელეკომპანია იმედის ეთერში.

ცერცვაძის განმარტებით, ამ ტესტის შედეგს დიდ მნიშვნელობას არ ანიჭებს, რადგან სჯერა, რომ მომდევნო პაციენტებიც განიკურნებიან. მისი თქმით, ამის იმედს ის აძლევს, რომ ინფიცირებულებში ვირუსი სუსტად მიმდინარეობს.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა.

პანდემია და რეკომენდაციები

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: