კორონავირუსით გამოწვეული უარყოფითი ეკონომიკური შედეგების შესამცირებლად კრისტალი მომხმარებლებისთვის 3-თვიან საშეღავათო პერიოდს აამოქმედებს. გთავაზობთ კომპანიის განცხადებას:

"კრისტალმა, როგორც მომხმარებელზე ორიენტირებულმა კომპანიამ, მიიღო გადაწყვეტილება 3-თვიანი საშეღავათო პერიოდი მისცეს ყველა მომხმარებელს, რომლის ეკონომიკურ საქმიანობაზეც უარყოფითად აისახა კორონავირუსის გავრცელების საფრთხით შექმნილი მდგომარეობა. საშეღავათო პერიოდი მოქმედებს სესხის ძირსა და პროცენტზე.

შეღავათით სარგებლობა შეუძლია ყველა იმ მომხმარებელს, რომლის ბიზნესსა თუ სამომხმარებლო შემოსავალზე შექმნილმა ვითარებამ უარყოფითად იმოქმედა.

შეღავათით სარგებლობის შესახებ დეტალურ ინფორმაციას მოხმარებლები ინდივიდუალურად მიიღებენ. განაცხადების დამუშავება დაიწყება ორშაბათს, 16 მარტს, დისტანციურ რეჟიმში.

კრისტალისთვის პრიორიტეტული იყო და იქნება მისი მომხმარებლების ეკონომიკური სტაბილურობისა და მეწარმეობის ხელშეწყობა.

გვჯერა, რომ ერთმანეთის გვერდით დგომით ამ გამოწვევასაც გადავლახავთ. გისურვებთ ჯანმრთელობას!"