48 საათში უკრაინის საზღვარი უცხო ქვეყნის მოქალაქისთვის დაიხურება. უკრაინული მედიის ინფორმაციით, კორონავირუსის პრევენციისთვის დაწესდა და 2 კვირის განმავლობაში იმოქმედებს, თუმცა შესაძლოა გახანგრძლივდეს.

უკრაინის ნაციონალური უსაფრთხოების საბჭოს წარმომადგენლის, ალექსეი დანილოვის განცხადებით, გადაწყვეტილებას საზღვრის გახსნის შესახებ მსოფლიოში კორონავირუსის ირგვლივ განვითარებული მოვლენების მიხედვით მიიღებენ.

დღეს, 13 მარტს უკრაინაში კორონავირუსისგან პირველი პაციენტი გარდაიცვალა. უკრაინული მედიის ინფორმაციით, ის პირველ მარტს დაბრუნდა პოლონეთიდან და საავადმყოფოს დაგვიანებით მიმართა. ბოლო მონაცემებით, კორონავირუსით უკრაინაში 3 ადამიანია ინფიცირებული.

მსოფლიოში კორონავირუსის 125 ათასზე მეტი შემთხვევა გამოვლინდა და 4 600-ზე მეტი ადამიანი გარდაიცვალა. 11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: