კორონავირუსის გამო თბილისში დაგეგმილი ძიუდოს გრან პრი გაუქმდა. ამის შესახებ განცხადება ძიუდოს საერთაშორისო ფედერაციის გვერდზე გავრცელდა. განცხადების მიხედვით, ორგანიზაციის აღმასრულებელმა კომიტეტმა 2020 წლის აპრილის დასრულებამდე ჩანიშნული ყველა ტურნირის გაუქმების გადაწყვეტილება მიიღო.

"კორონავირუსის გამო შექმნილი კრიზისა და ასევე, მგზავრობის და საჯარო თავშეყრის ადგილების უსაფრთხოების ნორმების დაცვის გამო, ძიუდოს მსოფლიო ფედერაციამ მიიღო გადაწყვეტილება, რომ დაემორჩილოს მსოფლიო მასშტაბით არსებულ უსაფრთხოების ნორმებს"— ნათქვამია განცხადებაში.

თბილისში ძიუდოს გრან პრი 27-29 მარტს უნდა ჩატარებულიყო.

ბოლო მონაცემებით, კორონავირუსი 100-ზე მეტ ქვეყანაშია გავრცელებული. მსოფლიოს მასშტაბით, ვირუსით დაღუპულთა რიცხვი 4 ათასს აჭარბებს, დაავადებულთა კი —113 ათასს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: