ევროკავშირში გაწევრიანებას 90% ემხრობა, ნატოში — 85%

ტელეკომპანია ფორმულას დაკვეთით ჩატარებული Edison Research-ის კვლევის მიხედვით, გამოკითხულთა 90% ემხრობა ევროკავშირში გაწევრიანებას, ხოლო 85% — ნატოში.

რაც შეეხება უარყოფით განწყობას, ევროკავშირში გაწევრიანებას ეწინააღმდეგება გამოკითხულთა 10%, ხოლო ნატოში — 15%.

გარდა ამისა, Edison Research დაინტერესდა განწყობებით სხვადასხვა გაერთიანებისა თუ ქვეყნის მიმართ. შედეგების მიხედვით, ყველაზე პოზიტიურად ევროკავშირს აფასებენ, ყველაზე უარყოფითად — რუსეთს. ამასთან, მხოლოდ რუსეთის და ირანის შემთხვევაში ნეგატიური შეფასება აღემატება პოზიტიურს.

კვლევის შედეგებით დადებითად ფასდება:

ევროკავშირი — 89%;
უკრაინა — 88%;
აშშ — 85%;
ნატო — 84%;
ინგლისი — 84%;
ისრაელი — 72%;
აზერბაიჯანი — 65%;
სომხეთი — 62%;
თურქეთი — 60%;
ირანი — 44%;
რუსეთი — 35%.

Edison Research-მა კვლევა 2020 წლის თებერვალში ჩაატარა. შემთხვევითი შერჩევის პრინციპით გამოიკითხნენ საარჩევნო უფლების მქონე მოქალაქეები მთელი საქართველოდან, ოკუპირებული ტერიტორიების გარდა. კვლევაში 2000 ადამიანი მონაწილეობდა და ცდომილების ზღვარი 2%-ია.

ბოლო ამბები:

გირჩევთ