მმართველი გუნდის წევრთა ნაწილმა 2016 წლის ოქტომბერში გამოთქვა მოსაზრება, რომ საკონსტიტუციო ცვლილებების შემდეგ, შესაძლოა, საქართველოს შემდეგი პრეზიდენტი პარლამენტმა აირჩიოს და არა მოსახლეობა, პირდაპირი, საყოველთაო არჩევნების გზით.

საქართველოში მოქმედი კვლევითი ორგანიზაცია ACT დაინტერესდა, თუ რა დამოკიდებულება აქვს ამ შესაძლო ცვლილებასთან დაკავშირებით თბილისის მოსახლეობას.

აღმოჩნდა, რომ მოსახლეობის დიდ უმრავლესობას (90%) მიაჩნია, რომ საქართველოს პრეზიდენტი უნდა აირჩიონ საყოველთაო, პირდაპირი არჩევნების გზით. თბილისის მაცხოვრებლების მხოლოდ 6 პროცენტი ფიქრობს, რომ პრეზიდენტი პარლამენტმა უნდა აირჩიოს, 4 პროცენტს კი უჭირს პასუხის გაცემა.

კვლევითი ორგანიზაციის ცნობით, გამოკითხვა ჩატარდა შემთხვევითი შერჩევის გზით 400 ზრდასრულ თბილისის მოსახლეს შორის, 2016 წლის ოქტომბერში. მონაცემთა სტატისტიკური ცდომილება არ აღემატება 4.9%-ს. გამოყენებული მეთოდია პირისპირ ინტერვიუ.