პრემიერ-მინისტრ გიორგი გახარიას განცხადებით, შატილში დამწვარი სკოლა-პანსიონის აღსადგენად მთის განვითარების ფონდიდად 1,5 მილიონი ლარი გამოიყოფა. ამის შესახებ გახარიამ მთავრობის სხდომის დაწყების წინ ისაუბრა.

"უახლოეს პერიოდში შესაბამისი კლიმატური პირობები გვაძლევს საშუალებას, რომ დავიწყოთ კონკრეტული სამუშაოები. ინფრასტრუქტურის სამინისტროს გამოაქვს საკითხი, სადაც მთის ფონდიდად გამოიყოფა 1,5 მილიონი ლარი, რათა ერთი სეზონის ფარგლებში ჩვენ ბავშვებს აღვუდგინოთ ეს სკოლა-პანსიონი", — განაცხადა გახარიამ.

შატილში ერთადერთი სკოლა-პანსიონი 2019 წლის ოქტომბერში დაიწვა. სკოლაში 8 მოსწავლე სწავლობდა.