პრეზიდენტს მიაჩნია, რომ იუსტიციის საბჭოს მიერ მოსამართლეთა უვადოდ დანიშვნის პროცესი მაქსიმალურად ღია და გამჭვირვალე უნდა იყოს, რადგან საზოგადოებაში სასამართლოს მიმართ გარკვეული უნდობლობის გრძნობა არსებობს. მარგველაშვილის პოზიცია დღეს გამართულ ბრიფინგზე, პრეზიდენტის პრესსპიკერმა, ეკა მიშველაძემ გააჟღერა:

"პრეზიდენტს მიაჩნია, რომ მაშინ, როდესაც, სასამართლო სისტემის მიმართ საზოგადოებაში არსებობს გარკვეული უნდობლობა, მოსამართლეთა დანიშვნის პროცესი, განსაკუთრებით, მაშინ, როდესაც საქმე უვადოდ დანიშვნას ეხება, უნდა წარიმართოს მაქსიმალურად გამჭვირვალედ და საზოგადოებისთვის ღია და საჯარო უნდა იყოს. განსაკუთრებით საყურადღებოა, თუ როგორი პროცედურებითა და რა კრიტერიუმებით მოხდა და მოხდება ახალი მოსამართლეების შერჩევა. პრეზიდენტს მიაჩნია, რომ მოსამართლეთა დანიშვნა, ან არდანიშვნა უნდა ხდებოდეს დასაბუთებულად და კანდიდატებს უნდა ჰქონდეთ საბჭოს გადაწყვეტილების გასაჩივრების შესაძლებლობა."

მიშველაძის განცხადებით, პრეზიდენტი მოიწვევს პარლამენტის პირველ სხდომას, რომელსაც თავად გახსნის და პარლამენტს სიტყვით მიმართავმას მას შემდეგ, რაც ცესკო საბოლოო შედეგების შემაჯამებელი ოქმს გამოაქვეყნებს.

რაც შეეხება აჭარის ავტონომიურ რესპუბლიკას, მიშველაძის ცნობით, უსკოს მიერ შემაჯამებელი ოქმის გამოქვეყნების შემდეგ, პრეზიდენტი აჭარის უმაღლესი საბჭოს პირველ სხდომას დანიშნავს.

28 ოქტომბერს იუსტიციის უმაღლეს საბჭოში, კენჭისყრის საფუძველზე 12 მოსამართლე უვადოდ დანიშნა.