შინაგან საქმეთა სამინისტროს პრესსამსახურის ინფორმაციით, გარდაბნის რაიონში, სოფელ ყარაჯალაში ყოფილმა ქმარმა ქალი მოკლა. შემთხვევა გუშინ, 15 თებერვალს მოხდა.

"[დაკავებულმა] ცივი იარაღის გამოყენებით სხეულზე სასიკვდილო ჭრილობები მიაყენა და მიიმალა. ხ.გ. ადგილზე გარდაიცვალა", — აცხადებენ შსს-ში და დასძენენ, რომ ბრალდებული დაკავებულია.

საქმეზე გამოძიება სისხლის სამართლის კოდექსის 11¹-109-ე მუხლის მეორე ნაწილის "ვ" ქვეპუნქტით მიმდინარეობს. ამ მუხლით ოჯახის წევრის მიმართ დამამძიმებელ გარემოებაში ჩადენილ განზრახ მკვლელობა 13-დან 17 წლამდე პატიმრობით ისჯება.