ქართული ოცნების დეპუტატმა, რევაზ არველაძე, ბავშვებთა სიღარიბეზე ჯანდაცვის მინისტრის პასუხის მოსმენის შემდეგ რიტორიკა შეცვალა. არველაძემ დამაზუსტებელი განცხადებების დროს სესიაზე განაცხადა, რომ თუ ერთი ბავშვის სიცოცხლეს მაინც ემუქრება საფრთხე შიმშილის გამო ხვალიდან უნდა დაიწყოს პარლამენტმა ამაზე მუშაობა.

"ვისაც გინდათ მოვაკლოთ და აი, აქეთკენ გადმოვიტანოთ სახსრები, რომ ასეთი რამე არ მოხდეს", — თქვა დეპუტატმა.

ქართული ოცნების დეპუტატმა, რევაზ არველაძემ კიდევ ერთხელ დააყენა ეჭვქვეშ ის ფაქტი, რომ საქართველოში ბავშვები შიმშილობენ. მან პარლამენტის სხდომაზე ჯანდაცვის მინისტრს, ეკატერინე ტიკარაძეს ჰკითხა, შიმშილობენ თუ არა საქართველოში ბავშვები.

ეკატერინე ტიკარაძე ამბობს, რომ გაზრდილი დაფინანსების მიუხედავად, კიდევ ბევრი რამ არის გასაკეთებელი, რათა საქართველოში ბავშვები არ შიმშილობდნენ:

"ნამდვილად იყო ძალიან მწვავე დისკუსიის თემა ეს წლების წინაც და ეს საკითხი დღესაც მწვავედ დგას. უნდა აღვნიშნო, რომ 2019 წლის იანვრიდან 5-ჯერ გაიზარდა ბავშვებზე გაწეული დახმარება".

გუშინ, 4 თებერვალს არველაძემ მთავარ არხთან საუბრის დროს თქვა, რომ საქართველოში ბავშვები არ შიმშილობენ. დეპუტატი, რომელსაც არ სჯერა, რომ ქვეყანაში ყოველი მეხუთე ბავშვი შიმშილობს, რამდენიმე ათეული ათასის ღირებულების ქონებას ფლობს.