სულ ცოტა ხნის წინ The Fast & Furious-ის ფრენჩაიზის მეცხრე ფილმის პირველი სრული ტრეილერი გავრცელდა, რომელშიც საქართველოში გადაღებული სცენების რამდენიმე კადრიც მოხვდა. ფილმის გადაღებები საქართველოში აგვისტოსა და სექტემბერში მიმდინარეობდა.

პროგრამა გადაიღე საქართველოს ფარგლებში ფილმის გადაღებები 5 კვირის განმავლობაში, 18 აგვისტოდან 22 სექტემბრამდე, თბილისის სხვადასხვა წერტილებში მიმდინარეობდა, მათ შორის ვაჟა-ფშაველაზე, ნუცუბიძეზე, რუსთაველსა და თავისუფლების მოედანზე.

The Fast & Furious-ის პირველი ფილმის პრემიერა 2001 წელს შედგა და მას შემდეგ ერთ-ერთი ყველაზე მაღალშემოსავლიანი ფილმების სერია გახდა: 8 ფილმის საერთო შემოსავლებმა 5 მილიარდ დოლარს გადააჭარბა.

მეცხრე ნაწილი რეჟისორმა ჯასტინ ლინმა გადაიღო, მასში კი ვინ დიზელი, მიშელ როდრიგესი, შარლიზ ტერონი, ჰელენ მირენი და ქარდი ბი მონაწილეობენ. ფილმის პრემიერა 22 მაისსაა დაგეგმილი.

ესეც რამდენიმე კადრი გავრცელებული ტრეილერიდან, რომლებშიც მარტივად ამოიცნობთ თბილისის ქუჩებს:

ფოტო: Universal Pictures

ფოტო: Universal Pictures

ფოტო: Universal Pictures

ფოტო: Universal Pictures

ფოტო: Universal Pictures