სტატისტიკის ეროვნული სამსახურის ცნობით, წინასწარი შეფასებით, 2019 წლის საშუალო რეალური ზრდა 5,2 პროცენტით განისაზღვრა. 2019 წლის დეკემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 3,8 პროცენტი შეადგინა.

სტატისტიკის სამსახურის მონაცემებით, 2019 წლის დეკემბერში ზრდა იყო შემდეგ საქმიანობებში: დამამუშავებელი მრეწველობა, ტრანსპორტი და დასაწყობება, საბითუმო და საცალო ვაჭრობა, ავტომობილებისა და მოტოციკლების რემონტი, სასტუმროები და რესტორნები. კლება დაფიქსირდა მშენებლობის სექტორში.