საერთაშორისო გამჭვირვალობა საქართველოს წარმომადგენელმა - ეკა გიგაურმა 12 საათისთვის მონიტორინგის შედეგები შეაჯამა.

უბნები, სადაც საერთაშორისო გამჭვირვალობის წარმომადგენლები იმყოფებოდნენ დროულად გაიხსნა. დაფიქსირდა 30-მდე წვრილი და შედარებით სერიოზული დარღვევა, დაიწერა 6 საჩივარი. დაფიქსირდა ტენდენცია, რომ პოლიტიკური პარტიის წარმომადგენლები უარს ამბობენ გადასატანი საარჩევნო ყუთების გაყოლაზე.

გიგაურის თქმით, ძირითადად, ნაციონალური მოძრაობის წარმომადგენლები, თუმცა არამხოლოდ:

"დაფიქსირდა დამკვირვებლისთვის ხელის შეშლის 3 ფაქტი, 1 უკანონო აგიტაცია. ბათუმში 69-ე, 79-ე და 65-ე უბნებზე საარჩევნო ყუთის ზედამხედველი ახორციელებდა უკანონო აგიტაციას."

ხმის მიცემის შეზღუდვის ფაქტი დაფიქსირდა საგარეჯოს 23-ე, მე-11 და 38-ე უბანზე. გადასატანი ყუთით ხმის მიცემის საშუალება არ მისცეს პირს, რომელმაც დაკარგა გონება და გაუარესდა მისი ჯანმრთელობა.

„საერთაშორისო გამჭვირვალობა საქართველოს“ დამკვირვებლები მიდიან გორში, რათა გადაამოწმონ ინფორმაცია გორის გამგებლის მიერ ერთ-ერთი დამკვირვებლის სავარაუდოცემის ფაქტთან დაკავშირებით. „თუ ეს სიმართლეა, ეს არის პრობლემა და უნდა დაისაჯოს დამნაშავე ყველა პირი“, - აცხადებს გიგაური.