საპატრულო პოლიციის დეპარტამენტის ცნობით, ინტენსიური თოვის გამო კობი-გუდაურის მონაკვეთზე, მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია, ხოლო სხვა სახის ავტოტრანსპორტის მოძრაობა ნებადართულია.

უწყების ცნობით, ადგილზე საპატრულო პოლიციის ეკიპაჟები ტრანსპორტის გადაადგილებას არეგულირებენ. შსს მოუწოდებს მოქალაქეებს დაემორჩილონ საპატრულო პოლიციის თანამშრომლების მითითებებს და მაქსიმალურად დაიცვან საგზაო მოძრაობის წესები.