პარლამენტის დამოუკიდებელი დეპუტატი, თამარ ჩუგოშვილი ყოფილ თანაგუნდელებს აკრიტიკებს მალხაზ მაჩალიკაშვილის პარლამენტში არშეშვების გამო. TV პირველის ეთერში საუბრისას, ჩუგოშვილის თქმით, არ არსებობს დოკუმენტი, რომელიც პარლამენტის თავმჯდომარეს აძლევს უფლებას, ადამიანს, რომელიც არ მოსწონს, პარლამენტში შესვლა აუკრძალოს:

"ვთხოვ ჩემს კოლეგას მამუკასაც [მდინარაძეს] და სხვებსაც, რომ სწორად წაიკითხონ დოკუმენტები და მერე სწორად გამოიყენონ. პარლამენტში დაშვების აკრძალვა შეუძლია თავმჯდომარეს ერთადერთი დოკუმენტით, თუ არის უსაფრთხოების რისკები. ეს დაკავშირებულია მაშინ, როცა მასიურად დიდი რაოდენობის ადამიანები შედიან. პარლამენტის თავმჯდომარე, რომელიც იყენებს უფლებამოსილებას და ზღუდავს სხვადასხვა პირების შესვლას, მან უნდა დაასაბუთოს, რატომ იღებს გადაწყვეტილებას. ეს ისე გაიგო მან, თითქოს, უფლება აქვს, ვინც მოწონს ის შეუშვას და ვინც არ მოწონს ის არ შეუშვას".