გერმანიაში კორონავირუსის კიდევ სამი შემთხვევა დაფიქსირდა. ამის შესახებ ინორმაციას გერმანული გამოცემა, დოიჩე ველე გერმანიის ჯანდაცვის სამინიტროზე დაყრდნობით ავრცელებს. მათივე ინფორმაციით სამივე პაციენტი ბავარიიდან არის და ერთი და იმავე კომპანიაში, ვებასტოში მუშაობს.

გამოცემის ცნობით, კორონა ვირუსი ამავე კომპანიის ჩინელმა თანამშრომელმა ქალმა გაავრცელა.

ვირუსითს ინფეცირების რისკის ქვეშ კიდევ 40 ადამიანია, რომელთაც ინფექციის გამავრცელებელ ქალთამ ჰქონდათ კონტაქტი. ამჟამად ეს ადამიანები დაკვირვების ქვეშ იმყოფებიან.

გერმანიაში კორონავირუსის პირველი შემთხვევაც ბავარიაში დაფიქსირდა.

ჩინეთში კორონავირუსით 100-ზე მეტი ადამიანი გარდაიცვალა. ჩინეთმა კორონავირუსთან ბრძოლის მიზნით 13 ქალაქში გადაადგილება 36 მილიონ ადამიანს შეუზღუდა.

კორონავირუსის შემთხვევა 10-ზე მეტ ქვეყანაში გამოვლინდა, მათ შორის:სამხრეთ კორეაში, იაპონიაში, ტაილანდში, მალაიზიაში, ნეპალში, ვიეტნამში, აშშ-ში, საფრანგეთშ, ავსტრალიაში, კანადასა და შრილანკაში.

ჯანდაცვის მსოფლიო ორგანიზაციის გენერალური დირექტორი, ადჰანომ გებრეიესუსი აცხადებს, რომ გლობალური განგაშის საფუძველი ჯერჯერობით არ არსებობს.

გაიგეთ მეტი: