ქუთაისის საერთაშორისო აეროპორტში ხარაჩო ჩამოინგრა. აეროპორტის პრესსამსახურის წარმომადგენლის, ნანა ბარამიძის თქმით, რკინის კონსტრუქცია ძლიერმა ქარმა ჩამოშალა და შემთხვევის შედეგად არავინ დაშავებულა.

"ძლიერი ქარის გამო ჩამოინგრა ხარაჩო, არავინ არ დაშავებულა. იმ მომენტში იქ არავინ არ იმყოფებოდა. უსაფრთხოების ნორმები დაცული იყო, შემოსაზღვრული იყო ის ტერიტორია. არსებული ტერმინალის ფასადი იცვლებოდა, ხარაჩო იყო რკინის კონსტრუქციის და ქარმა ჩამოანგრია", — თქვა On.ge-სთან საუბრისას აეროპორტის პიარმა.