Fast and Furious-ის მეცხრე ნაწილის ტრეილერის 15-წამიანი ანონსი გავრცელდა. პირველ კადრებში ვხედავთ ერთ-ერთი მთავარი როლის შემსრულებელ ვინ დიზელს და ამის გარდა ნაცნობ ლოკაციასაც — თავისუფლების მოედანს. ფილმის გადაღებები საქართველოში აგვისტოსა და სექტემბერში მიმდინარეობდა.

ტიზერის მიხედვით, ტრეილერი 31 იანვარს გამოვა, რომელშიც უფრო კარგად ვნახავთ იმ ადგილებს, რომლებიც ფილმში გადაიღეს. გადაღებები 5 კვირის განმავლობაში, 18 აგვისტოდან 22 სექტემბრამდე, თბილისის სხვადასხვა წერტილებში მიმდინარეობდა, მათ შორის ვაჟა-ფშაველაზე, ნუცუბიძეზე, რუსთაველსა და თავისუფლების მოედანზე.

Fast and Furious-ს დედაქალაქში პროგრამის გადაიღე საქართველოში ფარგლებში იღებდნენ. როგორც ყოფილი პრემიერის, მამუკა ბახტაძის ხელმოწერილ განკარგულებაში წერია, ჰოლივუდური ფილმის გადაღებისთვის საქართველოში მაქსიმუმ 31,4 მილიონი ლარი (31 358 162 ლარი) უნდა დახარჯულიყო.

ფილმის რეჟისორი ჯასტინ ლინია, მასში მონაწილეობენ ვინ დიზელი, მიშელ როდრიგესი, შარლიზ ტერონი, ჰელენ მირენი და სხვები. ფრენჩაიზის ღირებულება ჯამში 5 მილიარდს აღემატება. ფორსაჟის მეცხრე ნაწილის პრემიერა 22 მაისს შედგება.

ამავე თემაზე: