თურქეთში მიწისძვრის შედეგად დაღუპულთა რიცხვი 31-მდე გაიზარდა. ამის შესახებ ინფორმაციას მედია თურქეთის საგანგებო სიტუაციების მართვის სამსახურზე დაყრდნობით ავრცელებს. მათივე ცნობით, დაშავებულია 1500-ზე მეტი ადამიანი.

მათივე ინფორმაციით, სამაშველო სამუშაოები გრძელდება და რეგიონში სამი ათასზე მეტი მაშველი რჩება. ამ დროისთვის ნანგრევებიდან 45 ადამიანია ამოყვანილი.

რაც შეეხება ზარალს, პირველადი მონაცემებით, დანგრეულია 76 კორპუსი, დაზიანებულია 42 და 425 კოპრუსს კი მცირე დაზიანებები აქვს.

თურქეთში 6,7 მაგნიტუდის მიწისძვრა 24 ინვარს მოხდა. მიწისძვრის ეპიცენტრი ქალაქ სივრისის მახლობლად, ელაზიგის პროვინციაში იყო. მიწისძვრას 4 მაგნიტუდის 530-მდე განმეორებითი ბიძგი მოჰყა.