16 წლის გოგოსთან გარყვნილი ქმედებისა და მასზე ძალადობის გამო პირს ხუთი წლითა და ექვსი თვით პატიმრობა მიუსაჯეს. ბოლნისის სასამართლოს გადაწყვეტილების შესახებ ინფორმაცია პროკურატურამ გაავრცელა.

"სასამართლოში წარდგენილი მტკიცებულებებით დადასტურდა, რომ 2018 წლის 4 სექტემბერს, დ.ჯ.-მ წინასწარი შეცნობით 16 წელს მიუღწეველ თანასოფლელ გოგონასთან გარყვნილი ქმედება ჩაიდინა, შემდეგ კი მუცლის არეში ხელი დაარტყა", — აცხადებენ პროკურატურაში.

როგორც უწყებაში აღნიშნავენ, საქმეზე გამოძიება სისხლის სამართლის კოდექსის 141-ე მუხლის პირველი ნაწილითა (გარყვნილი ქმედება) და 126-ე მუხლის პირველი ნაწილის "ა" ქვეპუნქტით (სხვაგვარი ძალადობა, წინასწარი შეცნობით არასრულწლოვნის მიმართ) მიმდინარეობდა.