მოგეხსენებათ, ადამიანებს საკუთარი თავი ყველაზე მეტად გვიყვარს, ამიტომ, ჯანმრთელობასა და გარეგნობას მხოლოდ საუკეთესოთა შორის საუკეთესოს ვანდობთ. ამგვარად, ბევრი კითხვის შემდეგ, რამდენიმე ესთეტიკური ცენტრის მთავარი ექიმი დამისახელეს, მაგრამ აღმოჩნდა, რომ ერთსა და იმავე პიროვნებაზე — ექიმ დალიკა ანდღულაძეზე მესაუბრებოდნენ, რომელიც სხვადასხვა დროს, სხვადასხვა კლინიკის მთავარ ექიმად მუშაობდა. ექიმ დალიკას ყველა იცნობს, ვისაც კი ამ სფეროსთან ჰქონია შეხება. ის მეტწილად საქართველოში მოღვაწეობს, თუმცა მის პაციენტებს შორის არიან ცნობილი სახეები, როგორც საქართველოდან და ევროპიდან, ისე ამერიკიდანაც.

ზოგადად ასეა, ცხოვრებაში, გარეგნობაში, მოდასა და კარიერაშიც დრო გვკარნახობს მომდევნო ნაბიჯებს. ექიმ დალიკასაც სწორედ დრომ უკარნახა, თუ რა უნდა ექნა — სწორედ ასე აღმოჩნდა ის ესთეტიკური სილამაზის ბაზარზე. სულ მალე კი ექიმი დალიკა პაციენტებს ესთეტიკურ ცენტრ Dr. Dalika-ში უმასპინძლებს.

დალიკა ანდღულაძე: მხოლოდ ერთი პროფესია არ მაქვს. ვარ თერაპევტი, დერმატო-ვენეროლოგი, დერმატო-კოსმეტოლოგი. ესთეტიკურ მედიცინაში ათწლიანი სამუშაო გამოცდილება მაქვს.

რა არის თქვენი წარმატების საიდუმლო?

ვფიქრობ, ცოდნასა და გამოცდილებასთან ერთად, პროფესიულ წარმატებაში ისიც მეხმარება, რომ კარგად ვხატავ. თავიდანვე დარწმუნებული ვიყავი, რომ ხატვის ნიჭი დამეხმარებოდა საკუთარი ხელწერის შექმნაში, იმაში, რომ ესთეტიკური მედიცინის სფეროში ჩემი სიტყვა მეთქვა. თითოეულ პროცედურას შემოქმედებითად ვუდგები და ვციდლობ ჩემი მხატვრული აღქმაც დავიხმარო.

როგორც ექიმი, ჩემი მიღწევებით არასდროს ვკმაყოფილდები, მუდმივად ვმუშაობ საკუთარ თავზე, ვესწრები საერთაშორისო კონფერენციებს, გავდივარ სხვადასხვა სახის პროფესიულ კურსებს როგორც ევროპასა და აზიაში, ასევე ამერიკაში. რეგულარულად ვეცნობი ესთეტიკური მედიცინის სფეროში არსებულ სიახლეებს. ვარ საერთაშორისო დერმატოლოგიური საზოგადოების წევრი და არაერთი სერთიფიკატის, სიგელისა თუ ჯილდოს მფლობელი.

რა სახის მომსახურებას სთავაზობთ მომხმარებელს?

ესთეტიკური ცენტრი Dr. Dalika წარმოგიდგენთ ლაზერების სრულ სერვისს და კოსმეტოლოგიის სრულ კომპლექტს ნაოჭების საწინააღმდეგო პროცედურების მიმართულებით.

სახის და სხეულის მოდელირება-კორექცია — ეს ის მიმართულებაა, რომელიც სილამაზისა და ახალგაზრდობის უმთავრეს ასპექტს წარმოადგენს. ანტიეიჯ პროცედურებიდან ყველაზე მოთხოვნადია კონტურული პლასტიკა — ბიოლოგიურად თავსებადი გელებით, ფილერებით. ფილერის საშუალებით შესაძლებელია სრული რეკონსტრუქციის მოხდენა, თუმცა ჩემი სლოგანია — შევინარჩუნოთ ბუნებრივი მიმიკა და სახის გამომეტყველება.

ეს იმას ნიშნავს, რომ კორექციები ყველა პაციენტის სახეზე და ტანზე ინდივიდუალურადაა მორგებული და საბოლოო შედეგს მაღალი ხარისხის პრეპარატებისა და პროცედურების საჭირო კომბინაციით ვიღებთ.

ყველაზე ხშირად რა ჩივილით მოგმართავენ პაციენტები?

საქართველოს ესთეტიკურ მედიცინაში დალიკას სახელთან ცხვირი ასოცირდება. კავკასიური გენის გათვალისწინებით, ყველაზე ტრენდული და მოთხოვნადი პროცედურა სწორედ ცხვირის პლასტიკა ან კორექციაა. ჩემთან მოსულ ათიდან ცხრა პაციენტს ცხვირის ფორმის შეცვლა სურს.

ყველაზე ხშირად ნემსით ინექციებსა და კორექციებს ვაკეთებ. შემიძლია, სრულიად შსახისა და სხეულის მოდელირება-კორექცია. ესთეტიკური მედიცინის სფეროში, დღესდღეობით დანერგილ ყველა პროცედურას ვაკეთებ და მინდა გითხრათ, რომ ამ საქმეში სტანდარტი არ არსებობს, ყველა პაციენტს ინდივიდუალურად ვუდგები, მისი სურვილისა და საჭიროების მიხედვით.

ცნობილი პაციენტები თუ გყავთ?

პაციენტების ვინაობას არ ვახმაურებთ. ჩვენს ესთეტიკურ ცენტრში კონფიდენციალურობა უმაღლეს დონეზეა დაცული, იმიტომ, რომ პაციენტების უმრავლესობას არ სურს გაამხილოს საკუთარი სილამაზის ან გარეგნული სრულყოფილების საიდუმლო. როგორც წესი, პაციენტთა უმრავლესობასთან, დროთა განმავლობაში, მეგობრული ურთიერთობა გვიყალიბდება, შედეგად, დღესდღეობით, თითქმის მთელი ქართული (და არამხოლოდ) ელიტა ჩვენი მეგობარია.

ქალბატონო დალიკა, როგორ დაგიკავშირდეთ?

კლინიკაში დაკავშირება შესაძლებელია ნომერზე: 595817777

ჩემი ნომერია 599 61 70 99. სულ მალე შევხვდებით კლინიკა Dr. Dalika-ში მისამართზე ი. აბაშიძის #70