22 წლის კოტე ჯაფარიძე, რომელიც 2016 წლის 30 მაისს 2 გრამი ნარკოტიკული საშუალება MDMA-ს (ექსტაზის) პირადი მოხმარების მიზნით ფლობისთვის დააკავეს, პრეზიდენტმა დღეს შეიწყალა და ის უკვე თავისუფალია.

24 ივნისს მოძრაობამ - დაგვიბრუნეთ კოტე გიორგი მარგველაშვილის მისამართით საჯარო მიმართვა გაავრცელა და პრეზიდენტს კოტე ჯაფარიძის შეწყალება სთხოვა. დღეს კი პრეზიდენტმა კოტე ჯაფარიძე სხვა მსჯავრდებულებთან ერთად შეიწყალა.