მოძრაობა "დაგვიბრუნეთ კოტე" გიორგი მარგველაშვილის მიმართ საჯარო მიმართვას ავრცელებს და პრეზიდენტს კოტე ჯაფარიძის შეწყალებას სთხოვს.

პეტიციაზე ხელმოწერა ნებისმიერ პირს შეუძლია.

2016 წლის 30 მაისს 22 წლის კოტე ჯაფარიძე 2 გრ ნარკოტიკული საშუალება MDMA-ს (ექსტაზის) პირადი მოხმარების მიზნით ფლობისთვის დააკავეს.

საპროცესო შეთანხმების საფუძველზე თბილისის საქალაქო სასამართლომ მას 1 წლით თავისუფლების აღკვეთა, 5 წელი პირობითი სასჯელი და 25 ათასი ლარის ოდენობის ჯარიმა დააკისრა.

ამას გარდა მას

  • 5 წლით ჩამოერთვა სატრანსპორტო საშუალების მართვის უფლება;
  • 10 წლით ჩამოერთვა საექიმო და საადვოკატო უფლება;
  • ჩამოერთვა საგანმანათლებლო დაწესებულებაში საქმიანობის უფლება;
  • ჩამოერთვა საჯარო სამსახურში საქმიანობის უფლება;
  • მიენიჭა პასიური საარჩევნო უფლება.

"პრეზიდენტის სტიპენდიანტი კოტე ჯაფარიძე კიდევ ერთი ცხადი მაგალითია იმისა, თუ როგორ უნგრევს პოლიციური ნარკოპოლიტიკა საკუთარ მოქალაქეებს მომავალს და ახორციელებს მათზე პერმანენტულ ტერორს" - წერია მიმართვაში.