ნატოს გენერალური მდივნის, იენს სტოლტენბერგის განცხადებას შავი ზღვის რეგიონში წარმოამდგენლობის გაზრდასთან დაკავშირებით, რუსთავი 2-თან საუბარში საერთაშორისო ურთიერთობის სპეციალისტი თორნიკე შარაშენიძე აფასებს. ის განმარტავს, რომ ვინაიდან რუსული ბაზები განთავსებულია საქართველოს ტერიტორიაზე, ჩრდილოეთ კავკასიასა და სომხეთში, ხმელეთიანი საქართველოს დაცვა პრაქტიკულად შეუძლებელია:

"ერთადერთი რეალური შეკავება რუსეთის შესაძლებელია მხოლოდ შავი ზღვიდან. კარგია, რომ ნატო გადაერთო ამ საკითხზე, კარგია რომ ამისთვის გამოყოფილია რესურსები და როგორც ჩანს შავ ზღვაში როტაციის პრინციპით იქნებიან ნატოს სამხედრო ხომალდები და ეს იქნება მაქსიმუმი, რაც შეიძლება ჩვენ მივიღოთ ამ ეტაპზე".

დღეს ნატოს გენერალური მდივანმა, იენს სტოლტენბერგმა ჩრდილოატლანტიკური საბჭოს შეხვედრის ფარგლებში განაცხადა, რომ საბჭომ შავი ზღვის რეგიონში ნატოს წარმომადგენლების გაძლიერების საკითხი განიხილა.