საქართველოს პრეზიდენტმა გიორგი მარგველაშვილმა დღეს, 27 ოქტომბერს, ხელი მოაწერა განკარგულებას სასჯელის სხვადასხვა ზომით მსჯავრდებულთა შეწყალების შესახებ, რომლის თანახმადაც სულ შეწყალებულია 168 პირი.

შეწყალების კომისიის თავმჯდომარემ ზვიად ქორიძემ დღეს გამართულ პრესკონფერენციაზე განაცხადა, რომ შეწყალებულ მსჯავრდებულთაგან, 6 ქალია:

"შეწყალებულთაგან 114 პირი, მათ შორის 4 ქალბატონი, დღესვე დატოვებს საპატიმრო დაწესებულებას, დანარჩენი 54 მსჯავრდებულს კი, სხვადასხვა ფორმით შეუმცირდება შეფარდებული სასაჯელი".

პრეზიდენტის ადმინისტრაციის ცნობით, შეწყალების კომისიამ სულ 1095 პირის საქმე განიხილა.