ევროსტატმა გამოაქვეყნა ევროკავშირის ქვეყნების სია, იმის მიხედვით, თუ რომელ მათგანში აქვთ მოქალაქეებს ყველაზე მეტად სიმქუნისკენ მიდრეკილება და რა დონეზე.

ყველაზე ბევრი ჭარბწონიანი მოზრდილი მალტაში ცხოვრობს. მოსახლეობის 26%-ს ევროკავშირის მასშტაბით სხეულის ყველაზე დიდი პროპორციები აქვს.

"როდესაც საქმე ეხება ჯანსაღი ცხოვრების წესსა და ფიზიკურ ვარჯიშს, მალტას ყველაზე მსუქანი, ზარმაცი და მანქანაზე დამოკიდებული ერი ჰყავს პლანეტაზე" - წერია ასევე დასკვნაში, რომელიც შარშან The Today Public Policy Institute-მა გამოაქვეყნა.

კვლევის შედეგად მოპოვებულ მონაცემებში ასევე წერია, რომ ეს შედეგი გამოწვეულია სამთავრობო ჯანდაცვის ადმინისტრაციის არაკომპეტენტურობითა და მათი მხრიდან უმოქმედობაში, რომელიც მოსახლეობაში ჯანსაღი ცხოვრების წესს გაუწევდა პოპულარიზაციას.

ევრონიუსის ცნობით, მალტის შემდეგ, სიაში მოდის ესტონეთი, ლატვია, უნგრეთი და გაერთიანებული სამეფო.

სიმსუქნისადმი ყველაზე ნაკლებად მიდერეკილი მოქალაქეები რუმინეთში არიან. ევროკავშირის მასშტაბით, ამ ქვეყანაში მოსახლეობას საუკეთესო ფორმები აქვთ. მისი მოზრდილების მხოლოდ 9,4%-ია მიდრეკილი სიმსუქნისკენ.