კომიქსის გამორჩეული სუპერგმირის შესახებ გადაღებული დამოუკიდებელი ფილმის ახალ ტრეილერში ვხედავთ, რომ ჰარლი ქუინს სულაც არ სჭირდება მისი ცნობილი შეყვარებული — ჯოკერი, რათა გოთემს შიშის ზარის დასცეს.

სულ ახლახანს გამოქვეყნებული ტრეილერიდან ვიგებთ, რომ ჰარლი ქუინი, რომლის როლსაც მარგო რობი ასრულებს, მარტო არ იბრძვის და გვერდით ასეთივე გამორჩეული ქალებისგან შემდგარი მხარდამჭერები ჰყავს.

კომიქსის ერთგულ მაყურებლებს კარგად ახსოვთ 2016 წელს გამოსული ფილმი Suicide Squad, სადაც მარგო რობი პირველად ვიხილეთ ჰარლი ქუინის როლში. მაშინ ყველა აღნიშნავდა, რომ ჯარედ ლეტოს მიერ შესრულებული ჯოკერის გვერდით ჰარლი ქუინი ერთადერთი ნათელი წერტილი იყო ფილმში, შესაბამისად მის შესახებ დამოუკიდებელი ისტორიის გაცნობა წინ კიდევ უფრო დიდ სიურპრიზებს გვიმზადებს.

აღსანიშნავია, რომ ფილმში ასევე ვიხილავთ იუენ მაკგრეგორისაც, რომელიც DC-ის კომიქსების ერთ-ერთი ყველაზე ცნობილი ბოროტმოქმედის, შავი ნიღბის სახელით ცნობილი ვილანის როლს შეასრულებს.

აღსანიშნავია, რომ ფილმი რეჟისორმა ქალმა, ჩინური წარმოშობის ამერიკელმა სცენარისტმა და პროდიუსერმა, ქეითი იანმა გადაიღო. ფილმის პრემიერა კინოთეატრებში 2020 წლის 7 თებერვალს შედგება.