რუსი გამომძიებელი ჟურნალისტი იური იზოტოვი, რომელმაც გაავრცელა ინფორმაცია რუსულ პროვოკაციაზე "ყირიმელი დივერსანტების მხრიდან", საქართველოს მთავრობას თავშესაფარს სთხოვს. ამის შესახებ იზოტოვმა რადიო თავისუფლების გამოცემა კრიმ რეალის აცნობა.

"ჩემ მიმართ განხორციელდა დეტალური შემოწმება სოციალურ ქსელში ჩემი პოსტების გამო, რომელიც შეიცავდა ძალოვანთა მონაცემებს, რომლებიც საზაფხულო მიტინგებს შლიდნენ. მიუხედავად იმისა, რომ ამ სისხლის სამართლის საქმის აღძვრაზე უარი მიიღეს, მე მშვენივრად მესმის, რომ ჩემს წინააღმდეგ ნებისმიერ დროს შეიძლება საქმე შეკერონ", — ამბობს იზოტოვი.

ჟურნალისტის ამბობს, რომ ცდილობს თავიდან აირიდოს რუსეთში სისხლის სამართლებრივი დევნა და მასზე ძებნის გამოცხადება. იური იზოტოვის თქმით, ის საქართველოში მეგობრებთან ერთად აპირებს, არასამთავრობო ორგანიზაცია შექმნას. ორგანიზაცია რუსი პოლიტპატიმრების უფლებებს დაიცავს.

იური იზოტოვმა რუსეთი 2016 წელს დატოვა. სამშობლოში მას ელის გამოძიება კიევში ანტისაომარი აქციების გამართვის გამო. 2016 წლის ივლისში ჟურნალისტით რუსული ეფ-ეს-ბე დაინტერესდა, როდესაც ის ლუგანსკის ოლქიდან ბრუნდებოდა, სადაც ომით დაზარალებულებს ეხმარებოდა. მას საზღვარგარეთის პასპორტის გაფუჭებით და გამოძიების დაწყებით ემუქრებოდნენ.