ათენში, ამბელოკიპის რაიონში საქართველოს ერთი მოქალაქე ძარცვის დროს დაიღუპა, მეორე კი დაშავდა. ბერძნული მედიის ცნობით, ორი მძარცველი გაქცევას ცდილობდა, რა დროსაც ერთ-ერთმა შესასვლელში მინა ჩაამსხვრია და ფეხზე სასიცოცხლო დაზიანებები მიიღო.

თავდაპირველად, ორივე დაშავებული სასწრაფო დახმარების მანქანით საავადმყოფოში გადაიყვანეს. ადგილობრივი პოლიციის ცნობით, ძარცვის ფაქტი მათ მეზობელმა შეატყობინა.

საქართველოს საგარეო საქმეთა სამინისტროში გავრცელებულ ინფორმაციას ადასტურებენ. უწყებაში On.ge-ს განუცხადეს, რომ საკონსულო უკვე ხაზზეა გარდაცვლილის ოჯახის წევრებთან და დაწყებულია გადასვენების პროცედურები. მეორე მოქალაქე დაკავებულია.