ჩვენი 10 ნიუსი, რომელიც ყველაზე ხშირად გააზიარეს

2019 წელი პოლიტიკურად ძალიან ცხელი აღმოჩნდა. შესაბამისად, დროა, რომ გასული წლის 10 ნიუსი შევაჯამოთ, რომელმაც ჩვენი მკითხველის დიდი ყურადღება დაიმსახურა და ყველაზე ბევრი გაზიარებაც ჰქონდა.

10. დოკუმენტების მიხედვით, თადუმაძემ 1994 წელს დაფუძნებულ უნივერსიტეტში 1993 წელს ჩააბარა — TI - 9,470 გაზიარება

საერთაშორისო გამჭვირვალობა — საქართველო მიიჩნევს, რომ მოქმედი გენერალური პროკურორისა და უზენაესი მოსამართლეობის კანდიდატის დიპლომთან დაკავშირებით შეუსაბამობა გამოიკვეთა. ორგანიზაციამ ამ საკითხზე კვლევა და დოკუმენტების ასლები გაასაჯაროა.

დიპლომის მიხედვით, თადუმაძე სასწავლებელში 1993 წელს ჩაირიცხა, თუმცა უნივერსიტეტის დაარსების თარიღად 1994 წელია მითითებული.

9. ვინც სარგებლობს საზოგადოებრივი ტრანპორტით, ყველა არის ბედნიერი და გახარებული — კალაძე ახალ ავტობუსებზე - 9,885 გაზიარება

პირდაპირ ჩართვაში, რომელიც მის ფეისბუქგვერდზე გავრცელდა, კალაძემ განაცხადა, რომ ესაუბრა მოქალაქეებს, რომლებიც ახალი საზოგადოებრივი ტრანსპორტით სარგებლობენ და ბედნიერები არიან.

9 ოქტომბერს თბილისის მერმა კახა კალაძემ ავტობუსების პრეზენტაციაზე ასევე თქვა, რომ შეძენილი 220 ერთეულიდან 60 უკვე თბილისშია და ისინი მოემსახურებიან მოსახლეობას.

8. დაგვანახეთ, რომ არ ვართ მარტო — გაფრინდაშვილის ოჯახი კვირას საოკუპაციო ხაზთან აქციას გამართავს - 10,039 გაზიარება

დე-ფაქტო სამხრეთ ოსეთში უკანონოდ დაკავებული ვაჟა გაფრინდაშვილის ოჯახი და მისი მხარდამჭერები აქციას მართავდნენ, რა დროსაც გაფრინდაშვილის ცოლმა ემოციური განცხადება გააკეთა — "რადგან ამდენმა მოლაპარაკებებმა და თბილ ოთახში ლაპარაკმა შედეგი არ მოგვცა; ჩვენ, სამედიცინო საზოგადოება, ყველა ის ადამიანი, რომელსაც გული შესტკივა და აწუხებს პატრიოტი ადამიანის ტყვეობაში ყოფნა, მიუხედავად პარტიული, რელიგიური და ეთნიკური კუთვნილებისა, ვიკრიბებით კვირას".

7. საქართველოს კინოთეატრებმა რუსულად გახმოვანებული ფილმების ჩვენება შეწყვიტეს - 12,182 გაზიარება

საქართველოში რუსეთის ოკუპაციის წინააღმდეგ დაწყებული მასშტაბური აქციების პარალელურად საქართველოს კინოთეატრებში რუსულად გახმოვანებული ფილმების ჩვენება შეწყვიტეს.

6. ვაჟა გაფრინდაშვილი თავისუფალია - 12,707 გაზიარება

28 დეკემბერს, 48-დღიანი პატიმრობის შემდეგ საოკუპაციო ძალების მიერ დაკავებული ვაჟა გაფრინდაშვილი გაათავისუფლეს.

"საოკუპაციო ძალების მიერ 9 ნოემბერს დაკავებული ექიმი ვაჟა გაფრინდაშვილი გათავისუფლებულია. ამჟამად იგი საქართველოს ცენტრალური ხელისუფლების მიერ კონტროლირებად ტერიტორიაზე იმყოფება", — წერდა სახელმწიფო უსაფრთხოების სამსახური.

5. ქართველმა მოციგურავეებმა გრან პრის ფინალზე ისტორიული ოქრო მოიპოვეს - 12,845 გაზიარება

ქალაქ ტურინში ფიგურული სრიალის გრან პრის ფინალში ქართველმა წყვილმა, გიორგი რევიამ და მარია კოზაკოვამ ოქროს მედლები მოიპოვეს. უინიორების კატეგორიაში მათ ამერიკელ და რუს მეტოქეებს აჯობეს.

4. ფორმულა კრეატივის ტელევიზიამ მაუწყებლობის უფლება მოიპოვა - 14,490 გაზიარება

ფორმულა კრეატივმა მაუწყებლობის უფლების მისაღებად საქართველოს კომუნიკაციების ეროვნულ კომისიას 13 აგვისტოს მიმართა, თუმცა შევსებულ დოკუმენტებში ხარვეზი დაუდგინდა და გამოსასწორებლად ვადა მისცეს.

29 აგვისტოს კი ფორმულა კრეატივის ტელევიზიამ მაუწყებლობის უფლება მიიღო. ამის შესახებ ინფორმაცია On.ge-ს ტელევიზიის დირექტორმა, ზუკა გუმბარიძემ მიაწოდა.