უშიშროების საბჭოს მდივნის თანამდებობაზე დავით რაქვიაშვილის დანიშვნას ენმ-ს წევრი, ელენე ხოშტარია აფასებს და ამბობს, რომ ის ძალიან გამოცდილი და კომპეტენტური კადრია:

"ის არის პროდასავლური ფასეულობების ერთგული. არაერთი წელი იმუშავა ამაზე. მე მესმის, რომ მას ძალიან მძიმე ვითარებაში მოუწევს მუშაობა, რადგან ვიცით, რომ ქართული ოცნება ყველაფერს აკეთებს იმისთვის, რომ დააკნინოს პრეზიდენტის ინსტიტუტი, იგივე უშიშროების საბჭოს ინსტიტუტი".

გიორგი მარგველაშვილმა 24 ოქტომბერს განაცხადა, რომ უშიშროების საბჭოს ახალი მდივანი დავით რაქვიაშვილი იქნება. დავით რაქვიაშვილი მიხეილ სააკაშვილის მთავრობაში, 2010 წელს, რეინტეგრაციის საკითხებში სახელმწიფო მინისტრის მოადგილე იყო.