ქართველი მევიოლინე ვერიკო ჭუმბურიძე პოლონეთში გამართული ვიენავსკის საერთაშორისო კონკურსის გამარჯვებული გახდა.

ვერიკომ ჟიურის სიმპატია ჰენრიკ ვიენავსკის მეორე სავიოლინო კონცერტის შესრულებით დაიმსახურა.

20 წლის ქართველ მევიოლინეს ოქროს მედალი და 30 ათასი ევრო გადაეცა.

ვერიკო ჭუმბურიძე თურქეთში დაიბადა და იქვე სწავლობდა კონსერვატორიაში, მოგვიანებით კი სწავლა ვენაში განაგრძო. 2013 წელს ჭუმბურიძე მუსიკალურმა გამოცემა Andante-მ თურქეთის მუსიკალურ აღმოჩენად დაასახელა. ვერიკო უკრავს ისეთ ცნობილ სახელმწიფო ორკესტრებთან, როგორებიცაა: ციურიხის კამერული ორკესტრი, მიუნხენის კამერული ორკესტრი და სხვები.

ვიოლინოს საერთაშორისო კონკურსი პოლონეთში ხუთ წელიწადში ერთხელ იმართება.