საქართველოს პარლამენტმა უზენაეს სასამართლოში უვადოდ 14 კანდიდატი დანიშნა. ისინი სულ 20 კაციანი სიიდან იყვნენ შერჩეული. კენჭისყრაში არ მონაწილეობდნენ ევროპული საქართველო, ნაციონალური მოძრაობა და პატრიოტთა ალიანსი.

პარლამენტმა მხარი დაუჭირა:

  1. მერაბ გაბინაშვილი: 86 — მომხრე, 1 — წინააღმდეგი;
  2. მირანდა ერემაძე: 83 — მომხრე; 1 წინააღმდეგი;
  3. მამუკა ვასაძე: 88 — მომხრე; 0 — წინააღმდეგი
  4. მაია ვაჩაძე: 90 — მომხრე; 0 — წინააღმდეგი
  5. თამარ ზამბახიძე: 89 — მომხრე; 0 — წინააღმდეგი;
  6. შალვა თადუმაძე: 89 — მომხრე; 1 — წინააღმდეგი;
  7. ვლადიმერ კაკაბაძე: 86 — მომხრე; 1 — წინააღმდეგი;
  8. ლევან მიქაბერიძე: 89 — მომხრე, 1 — წინააღმდეგი
  9. გიორგი მიქაუტაძე: 85 — მომხრე, 1 — წინააღმდეგი;
  10. ნუგზარ სხირტლაძე: 90 — მომხრე, 0 — წინააღმდეგი;
  11. ლალი ფაფიაშვილი: 88 — მომხრე, 0 — წინააღმდეგი;
  12. ნინო ქადაგიძე: 85 — მომხრე, 1 — წინააღმდეგი;
  13. ქეთევან ცინცაძე: 85 — მომხრე, 1 — წინააღმდეგი;
  14. ალექსანდრე წულაძე: 87 — მომხრე, 1 წინააღმდეგი.

ნახეთ ხმების მიცემის სია:

  1. თამარ ალანია: 0 — მომხრე, 6 — წინააღმდეგი;
  2. შოთა გეწაძე: 2 — მომხრე, 4 — წინააღმდეგი;
  3. პაატა სილაგაძე: 0 — მომხრე, 3 — წინააღმდეგი;
  4. ლაშა ქოჩიაშვილი 2 — მომხრე, 3 — წინააღმდეგი;
  5. გოჩა ჯეირანაშილი 2 — მომხრე, 1 — წინააღმდეგი.

12 დეკემბრის მოვლენები მოკლედ

დღეს, 12 დეკემბერს სამოქალაქო მოძრაობის აქტივისტებმა და პოლიტიკური პარტიის წარმომადგენლებმა პარლამენტის შესასვლელების პიკეტირება სცადეს, თუმცა დეპუტატები საკანონმდებლო ორგანოში მაინც შევიდნენ. აქციაზე პოლიციამ ჯამში 16 პირი დააკავა.

პარლამენტის უპარტიო დეპუტატი, ეკა ბესელია ამბობდა, რომ მოსამართლეთა არასასესიო კვირაში არჩევა პარლამენტის რეგლამენტს ეწინააღმდეგებოდა. ის რამდენიმე წუთის განმავლობაში კომიტეტის თავმჯდომარეს არ აძლევდა საშუალებას კანდიდატურები განეხილათ.

პროცესის ჩასაშლელად კენჭისყრის დაწყებამდე რამდენიმე წუთით ადრე პლენარულ სხდომათა დარბაზში გაურკვეველი ნივთიერება გაუშვეს, რამდენიმე ადამიანი ცუდად გახდა. ამ მიზეზით სხდომათა დარბაზი დაატოვებინეს დეპუტატებს და კენჭისყრამ რამდენიმე საათით გადაიწია. საქმეზე გამოძიება შსს-მ სისხლის სამართლის კოდექსის 117-ე მუხლით დაიწყო. ამ მუხლით ჯანმრთელობის განზრახ მძიმე დაზიანება მინიმუმ 3-წლიანი პატიმრობით ისჯება. ქართულმა ოცნების ერთ-ერთმა დეპუტატმა მომხდარი ტერორისტულ აქტად, დანარჩენებმა კი ქიმიურ თავდასხმად შეაფასეს. მომხდარზე პასუხისმგებლობა #სირცხვილიამ აიღო.

საბოლოოდ, კენჭისყრა მაინც ჩატარდა და ქართულმა ოცნებამ 14 მოსამართლე უზენაეს სასამართლოში უვადოდ დანიშნა.