ბელარუსის ქალაქ მინსკში რუსეთთან ინტეგრაციის წინააღმდეგ საპროტესტო აქცია მიმდინარეობს. ასობით ადამიანი მთავრობის ადმინისტრაციასთან აპროტესტებს იმ ინფორმაციას, რომელიც ბელარუსსა და რუსეთის შესაძლო გაერთიანებას ეხება.

მინსკში საპროტესტო აქციის მონაწილეებს აქვთ ბელარუსის ძველი დროშა, რომელსაც ახლა ძირითადად ნაციონალისტები იყენებენ.

აქცია მიმდინარეობს რუსეთის პრეზიდენტის, ვლადიმერ პუტინისა და ბელარუსის პრეზიდენტის, ალექსანდრე ლუკაშენკოს შეხვედრის პარალელურად, რომელიც სოჭში გაიმართება. როგორც ვარაუდობენ, ლუკაშენკო და პუტინი ქვეყნების ინტეგრაციის გაღრმავებაზე ისაუბრებენ.

რამდენიმე დღის წინ პარლამენტში გამოსვლისას ლუკაშენკომ განაცხადა, რომ ბელარუსი რუსეთს არ შეუერთდება და ეს მისი მმართველობის პერიოდში არ მოხდება.

ფოტო: რადიო თავისუფლების ბელარუსის ბიურო