Nintendo-ს ახალი კონსოლი Switch, რომელსაც გეიმერები დიდი ხანია ელიან, როგორც იქნა ვნახეთ.

Switch კონსოლ-პორტატული სათამაშო მოწყობილობაა, რომელსაც დისკების ნაცვლად კარტრიჯები აქვს და ხელის მსუბუქი მოძრაობით, სურვილისამებრ, ან კონსოლი იქნება და სახლში ტელევიზორზე მიერთების საშუალება გექნებათ, ან პორტატული სათამაშო, რომელიც თან შეგიძლიათ ატაროთ.

როგორც პრომოდან ჩანს, კონტროლერის გამოყენება ორ ადამიანს შეუძლია და ასევე შესაძლებელია მულტი-ფლეიერ თამაშები, სხვა კონსოლებთან დაკავშირების შემთხვევაში.

უყურეთ ამ ვიდეოს და დარწმუნებული ვარ ჩემნაირი რეაქცია გექნებათ. პრომოს შუაშიც კი არ ვიყავი გასული, რომ "ოკ, ამას უეჭველი ვყიდულობ"-თქო აღმომხდა.

თუმცა Switch-ს შეიძლება ერთი ნაკლი ჰქონდეს, Nintendo-მ ვერ შეძლო ისეთი გეიმდეველოპერების მოზიდვა, როგორებიც არიან EA, Activision და Ubisoft, ასე რომ ახალ მოწყობილობას ამ კომპანიების გამოშვებული თამაშები არ ექნება. მაგრამ სავარაუდოდ, ნახავენ რა, რომ პროდუქტი წარმატებულია, გეიმდეველოპერები იძულებულნი გახდებიან ამ ბაზარზეც შევიდნენ.

Switch-ის გაყიდვა 2017 წლის მარტიდან დაიწყება.