24 თებერვლის დედაქალაქის მთავრობის სხდომაზე თბილისის მერმა დავით ნარმანიამ ის ადგილები დაასახელა, სადაც საგაზაფხულოდ ხე-მცენარეები დაირგვება.

დედაქალაქის მერის განმარტებით, უკვე შერჩეულია ის ტერიტორიები სადაც ნერგები დაირგვება და მათგან ერთ-ერთია მახათას მთის მიმდებარე ტერიტორიაზე არსებული 15 ჰექტარი მიწის ნაკვეთი და ასევე, ოქროყანის მიმდებარედ არსებული ტერიტორია, სადაც მოიჭრა გამხმარი და დაავადებული ხეები.

"ახლა დაიწყება ტყის აღდგენითი ღონისძიებები, დაირგვება როგორც წიწვოვანი, ასევე ფოთლოვანი ხეები. რაც შეეხება ქალაქის ცენტრალურ ნაწილს, მნიშვნელოვანია, რომ მაგისტრალების გასწვრივ, სკვერებსა და პარკებში დაირგვება ტანმაღალი ხეები“, - განაცხადა თბილისის მერმა.